وەلید محەمەد سلێمان
سروشت بریتییە ل هەمی ئەو جوانی و ژیانا ل جیهانێدا هەی، وەکی ئاژەڵ، ڕووەک و ڕووبار، دەشت، دۆڵ، نهال، تاڤگە و دارستان. هەروەها هەمی ئەو تشتێن ب دەستێ مرۆڤان نەهاتینە چێکرن و ب سروشتێ خۆ ڕامانا ژیانێ دروست دکەن.
سروشتێ کوردستانێ ئێکە ژ جوانترین و سەرنجڕاکێشترین و دەوڵەمەندترین سروشت ل جیهانێ.
چیایێن بلند، دۆڵ و نهال و دەشتێن بەرفرەهـ، چەم و ڕووبار، دارستان و تاڤگە هەمی پێکڤە وێنەکێ سەرسوڕهێنەر و جوان دروست دکەن.
ئەڤ سروشتە بتنێ جوانی نییە، بەلکو سامانەکێ مەزنە بۆ ژیانا مرۆڤان و جڤاکی. پێتڤیە ئەم هەمی ب هەستێ بەرپرسیاریەتیێ پارێزگاریێ لێ بکەین، چونکی خراپ ب کارهێنان و پیسبوون زیانەکا مەزن ب سروشت و ژیانا مە هەمییان دگەهینیت.
پاراستنا دارستانا و پاکژ ڕاگرتنا چەم و ڕووبار و کێمکرنا پاشمایان، پێنگاڤێن گرنگن بۆ پاراستنا ئەڤان سامانێن سروشتی.
سروشتێ کوردستانێ جوان و جودایە، ئەم هەمی دێ شێین ب کریارێن خۆ خزمەتا پاراستنا سروشتی بکەین.
ئەگەر ئەم هەمی ئێکبگرین بۆ پاراستنا سروشت و ژینگەهێ، داهاتیەکی پاکژتر و جوانتر بۆ نفشێ داهاتی دێ دروست دکەین. تەندروستیەکا باش و ژیانەکا ئاسوودە یا گرێدایە ب سروشتێ جوان و ژینگەهەکا پاکژ و خاوین.
سروشتی پەیوەندی ب ژیانێڤە هەیە، پەیوەندییا ژیانێ پێتڤیە پارێزگاری لێ بهێتەکرن هەتا ب زیندی بمینیتەڤە.
ئەگەر مرۆڤ ژینگەهێ پیس نەکەن، ئەڤە ب پشتراستیڤە ژینگەهـ و سروشت خۆ پیس ناکەن و دێ دپاقژبن.
ژبەر هندێ، وەرن دا ھەمی پێکڤە ژ پێخەمەت مرۆڤایەتیێ دووبارە دگەل سروشت و ژینگەهێ هەمبێزێ ب ئێک دوودا بکەین.
