سەلام عەبدوڵڵا
بەیادی تێپەڕوونی دامەزراندنی دەسەڵاتی سۆڤێتی، دەبێ بە گشتی چاوێك بەم دەورانە بگێڕین تا بزانین چی جێبەجێكراوەو، بە هزریش لە گرنگی و ئامانجی بەسەرهاتی ئەو وەرچرخانەیە كە رویدا، وردببینەوە.
بۆرژوازی و لایەنگیرەكانی، بە پێشێكردنی دیموكراسی تاوانبارمان دەكەن. بەڵام ئێمەش دووپاتی دەكەینەوە كە شۆری سۆڤێتی، پاڵدانێكی بێوێنەی دا بە گەشەسەندنی هەمەلایەنەی دیموكراسی لە سەر ئاستی جیهان، سەرباری ئەوەش، ڕێك دیموكراسییەتێكە بۆ جەماوەری زەحمەتكێش، واتە دیموكراسی لەپێناو زۆربەی هەرە زۆری گەل؛ بۆ ئەو جەماوەرە كە سەرمایەداری دەیانچەوسێنێتەوە. كەواتە، دیموكراسی سۆسیالیستی(لەپێناو كارگەران)ناكۆكە لەگەل دیموكراسی بۆرژوازی(لەپێناو سەرمایەگوزارەكان، سەرمایەداران و دەوڵەمەندەكان).
كەواتە كێ لەسەر هەقە؟
تێڕامان وتێَگەیشتنێكی قووڵ بۆ ئەم چمكە، واتە تاقیكردنەوەی ئەم دوو ساڵە لەبەرچاوبگرین و لەپێناو گەشەپێدانییدا، خۆمان بەشێوەیەكی باشتر بۆی ئامادەبكەین.
بارودۆخی ژنان، جیاوازی لەنێوان دیموكراسی بۆرژوازی و دیموكراسی سۆسیالیستی بە روونییەكی لەبەرچاو دەردەخا، بەهەمان شێوەش وەڵامێكی أوون بە پرسیارەكە دەداتەوە.
ژنان لە هیچ كۆمارێكی بۆرژوازی(واتە لەو شوێنە كە موڵكایەتی تایبەتی، زەمین و كارگەكان بەأێوەوە دەبەن)گەر دیموكراتیترین كۆماریش بێ و نە لەهیچ شوێنێكی جیهاندا، تەنانەت لە هیچ دەوڵەتێكی زۆر پێشكەوتووشدا، تەواوی مافەكانی خۆیان وەرنەگرتووە. ئەمە، سەرەأای تێپەڕبوونی پتر لە سەد و بیست و پێنج ساڵ لەسەر شۆڕشی فەرەنس گەورە(بۆرژوازی دیموكراتی-1789-1794).
دیموكراسی بۆرژوازی بە قسە، گفتدەدا بە یەكسانی و ئازادی، بەڵام بەكردەوە هیچ كۆمارێكی بۆرژوازی، تەنانەت پێشكەوتووتریشیان، نە بەپێی یاسا، یەكسانی تەواو بە ژن وەك نیوەی مرۆڤایەتی لەگەل پیاو، داوە، نە ئازادیان لە دەسەڵات و چەوسانەوەی پیاوان.
دیموكراسی بۆرژوازی، دیموكراسی دەربڕینی زل و درۆیە، گوتەی شكودار، گفتی زەردوسوور و درووشمی قەبە لەبارەی ئازادی و یەكسانییە؛ بەكردەوەش، نەبوونی ئازادی و یەكسانی بۆ ژنان و نەبوونی ئازادی و یەكسانی بۆ كارگەران و چەوساوەكان دەشارێتەوە.
دیموكراتی شوورایی یا سۆسیالیستی نەفرەت لە دەربڕینی زل و درۆزنانە دەكاو جەنگی بەرفراوان لەدژی ریاكاری((دیموكراتەكان)) موڵكدارەكانی زەوی و سەرمایەداری رادەگەیەنێ، هەروا لە دژی ئەو جووتیارە دەوڵەمەندانە كە بە فرۆشتنی دانەویلە بە نرخێكی گرانبەها بە كرێكاران و برسییەكان، خۆیان دەوڵەمەند دەكەن.
دەبا ئەو درۆ رسواكراوە بڕۆخێت! هەرگیزاو هەرگیز قەت رۆژێك((یەكسانی))لەنێوان چەوساوەكان و چەوسێنەران و ژێردەستەكان و سەردەستەكان نابێ. هەرگیزاو هەرگیز قەت رۆژێك((ئازادی))راستەقینە نابێ، تا ژنان لەو ئیمتیازاتانە كە یاسا بۆ پیاوان بەهێزدەكا، رزگاریان نابێ؛ تا كرێكاران لە دەسەڵاتداری سەرمایە رزگاریان نەبێ؛ تا جووتیارە زەحمەتكێشەكان لە دەسەڵاتی سەرمایەداری و موڵكدارە عەقارییەكان و بازرگانییەكان رزگاریان نەبێ.
با درۆزن و دووڕووەكان، دەوڵەمەندەكان و بۆژوازییەكان و لایەنگرەكانیان، بە فرەبێژی لەبارەی ئازادی بەشێوەیەكی گشتی و یەكسانی بەشێوەیەكی گشتی و بە دیموكراسی بەشێوەیەكی گشتی، گەل هەڵخەڵەتێنن.
بەڵام ئێمە بە كرێكاران و جووتیاران دەڵێین: ئەو دەمامكانە لەسەر رووی ئەو درۆزنانە لاببەن، چاوی ئەو نابینانە بكەنەوە و پرسیاربكەن:
- یەكسانی كامە جنس لە گەل كام جنس؟
- كامە نەتەوە لەگەڵ كام نەتەوە؟
- كامە چین لەگەڵ كام چین؟
- ئازادی لە كامە دەسەڵات یا كام چین؟ ئازادی بۆ كاك چین؟
ئەوی سەبارەت بە سیاسەت، دیموكراسی، ئازادی، یەكسانی و سۆسیالیزم دەدوێ و ئەم پرسیارانە لە پلەی یەكەم دانەنێ و لە دژی شاردنەو پۆشین ئەو پرسیارانە خەبات نەكا، ئەوا دوژمنترین كارگەرانە، گورگێكە لەبەرگی مەأ ودوژمنێكی سەرسەخت و زەرەرمەندی كرێكاران و جووتیارانە و خزمەتكاری موڵكدارە عەقارییەكان، پاشا و سەرمایەدارەكانە.
لەماوەی دوو ساڵدا، لە وەڵاتێكدا، لە دواكەوتووترین وەڵاتانی ئۆروپا، دەسەڵاتی شوورایی لە پێناو ئازادی ژنان و یەكسانیبوونیان لەگەل جنسی((بەهێز)) زیاتری كرد لەوەی كە هەموو كۆمارە پێشكەوتوو وشارەزاو ((دیموكرات))ەكانی هەموو جیهان لەماوەی 130ساڵ كردوویانە.
چراكان، كلتوور، شارستانییەت و ئازادی، هەموو ئەم ووشە قەبانە لە هەموو كۆمارە سەرمایەدارو بۆرژوازی لە هەموو سەرزەمیندا لەگەل یاساگەلێك بەوپەڕی قیزەوەنی كۆدەبنەوە؛ بە قیزەوەنییەكی زۆر بەربڵاو و وەحشیگەرییەكی شڕ لەبارەی نایەكسانی یاساییەوە لەبواری زەواج و جیابوونەوەو نایەكسانی لەبارەی منداڵی((شەرعی)) و ناشەرعی، بەرژەوەندی پاراستنی پیاوان و بێچارە و تەوهینكردن بە ژنان.
دەسەڵاتی سەرمایە، ماندوبوونی((موڵكایەتی تایبەتی پیرۆز))، ئیستبدادی گەمژەیی بۆرژوازی بچوك و چاوچنۆكی موڵكداری بچوك، ئەمانە رێگریان لە دیموكراتیترین كۆماری بۆرژوازی كرد، دەستكاری ئەو یاسا قیزەوەن و پوچەڵانە نەكرێ.
كۆماری شوورایی، كۆماری كرێكاران و جووتیاران هەموو ئەو یاساما بە یەك لێدان كسكدا و بەرد لەسەر بەردی خانووی بەرزی درۆزنی و نیفاقی بۆرژوازیییەوە نەهێشت.
دەبا ئەو درۆیانە بڕوخێن! دەبا ئەو درۆزنانە كە دەم لە ئازادی و یەكسانی بۆ هەموو دەكووتن، كەچی چینی چەوساوە، موڵكایەتی تایبەتی سەرمایەداری هەیە؛ بەشیان لە بۆرسە هەیە؛ كەسانێ هەن لەبەر دانەوەیلەی لەبەر رۆییوو تێربوون و برسییەكانیش كۆیلەدەكەن، نەخێر، ئازادی بۆ هەموو نیە، نەخێر یەكسانی بۆ هەموو نیە، بەڵكو خەبات لەدژی چەوسێنەران و سەرمایەگوزاران و لەناوبردنی توانای چەوساندنەوەو سەرمایەگوزاری. ئەمەیە درووشمی ئێمە!
ئازادی و یەكسانی بۆ جنسی چەوساوە!
ئازادی و یەكسانی بۆ كرێكاران و جووتیارانی زەحمەتكێش!
خەبات لەدژی چەوسێنەران و سەرمایەداران و كۆلاكی جامباز!
ئەمە درووشمی خەبات و حەقیقەتی پرۆلیتاریمانە؛ حەقیقەتی خەباتمان دژ بە سەرمایەداری؛ ئەو حەقیقەتە كە لەتەكیاندا
