یاسر سالم، ئەندامی مەکتەبی سیاسی حزبی شیوعی عێراق، ڕەخنەی توند لە شێوازی پێکهێنانی حکومەت دەگرێت و ڕایدەگەیەنێت کە هەڵوێستی ئەوان بەرامبەر هەر کابینەیەک، بەستراوەتەوە بە ڕادەی ڕەنگدانەوەی بڕیارەکان لەسەر ژیانی هاوڵاتیان.
سالم لە لێدوانێکدا ئاماژەی بەوە کرد کە بەڵێن و بەرنامە وەزارییەکان تەنها وەک نیازێک دەبینرێن، بەڵام پێوەر و سەنگی ڕاستەقینە لای ئەوان تەنها "جێبەجێکردن و ئەنجامەکانە لەسەر زەوی.
ئەو ئەندامەی مەکتەبی سیاسی حزبی شیوعی وتیشی، ئەمە حکومەتی پشکپشکێنە و هاوسەنگییە سیاسییە تائیفی و نەتەوەییەکانە، هەر بۆیە گوزارشت لە بژاردە ڕاستەقینەکانی گەلی عێراق ناکات.
لە کۆتایی لێدوانەکەیدا، یاسر سالم جەختی کردەوە کە پێکهاتەی ئێستای حکومەت زیاتر گوزارشتە لە لێکتێگەیشتنی ئەو سەرکردایەتییە سیاسییانەی کە لە ساڵانی ڕابردوودا بەشداربوون لە بەرهەمهێنان و بەردەوامیی قەیرانەکان لە وڵاتدا.
