رێگای كوردستان
بهڕێوهبهرایهتی پۆلیسی ئیدارهی ڕاپهڕین ئاشکرای کرد، هێزەکانیان لە قەزای حاجیاوا تۆمەتبارێکیان دەستگیر کردووە کە بە جلوبەرگی ژنانەوە دزی لە چەند شوێنێک کردووە. تۆمەتبارەکە لە لێکۆڵینەوەکاندا دانی بە تاوانەکەیدا ناوه و ئاماژەی بەوە کردووە کە جلوبەرگی ژنانەی بۆ خۆدزینەوە لە ناسنامەکەی بەکار هێناوە.
وردودرشتی هەواڵ
پۆلیسی ڕاپهڕین ڕاگهیهندراوێكدا بڵاویكردهوه، دوای ئەوەی دوو هاووڵاتی سەردانی بنکەی پۆلیسی ماکۆکیان کرد بە مەبەستی تۆمارکردنی سکاڵا لەسەر دزینی بڕی 450 هەزار دینار لە ماڵێک و 100 هەزار دینار لە مارکێتێک، هێزەکانی پۆلیس دەستبەجێ ڕێکاری یاساییان گرتە بەر و پەڕاوی لێکۆڵینەوەیان ڕێکخست.
دوای بەدواداچوون و کۆکردنەوەی زانیاریی پێویست، هێزەکانی پۆلیس توانیان تۆمەتبارێک دەستگیر بکەن کە دەرکەوت مێردمنداڵە و لە ڕەگەزی نێرە بە ناوی (أ.م.ك). ناوبراو لە لێکۆڵینەوەکاندا دانی بەوەدا نا کە لە کاتی دزییەکاندا جلوبەرگی ژنانەی لەبەر کردووە بۆ ئەوەی نەناسرێتەوە، هەروەها هەوڵی دزی تریشی داوە بەڵام هیچی دەست نەکەوتووە.
لێدوانی پەیوەندیدار
پۆلیسی ڕاپەڕین ڕوونیشی کردەوە کە تۆمەتبار لە بەردەم پۆلیس و دادگادا دانی بە تاوانەکەیدا ناوه و بە بڕیاری دادوەر و بە پێی ماددەی 442 لە یاسای سزادانی عێراقی ڕاگیراوە، و لێکۆڵینەوە لەگەڵیدا بەردەوامە.