ئاژانسی کاروباری ژنانی نەتەوە یەکگرتووەکان ڕایگەیاند، دەسەڵاتدارانی تاڵیبان لە شاری هێراتی ئەفغانستان، بە تۆمەتی پێشێلکردنی یاساکانی حیجاب لایەنی کەم ٣٠ ئافرەتیان دەستگیر کردووە. ئەمەش لە دوای ئەو خۆپیشاندانەی،کە ڕۆژی سێشەممەی ڕابردوو ئافرەتان لە دژی یاسا توندو تیژەکانی تاڵیبان لە ناوچەی ئینجیل ئەنجامدرا، کە تێیدا هێزەکانی تاڵیبان بە توندی ڕووبەڕووی خۆپیشاندەران بووەوە و لە ئەنجامدا، لایەنی کەم دوو کەس کوژراون و زیاتر لە ٢٠ کەسی دیکەش بریندار بوون.
