دادگای باڵای فیدراڵیی عێراق سکاڵایەکی تایبەت بە هەڵوەشاندنەوەی پەرلەمانی کوردستانی بەتەواوی ڕەتکردەوە و ڕایگەیاند، تاووتوێکردنی ئەم بابەتە لە دەرەوەی دەسەڵات و تایبەتمەندییە دەستوورییەکانی دادگایە.
لەلایەکی دیکەوە، دادگاکە بڕیاری دا دانیشتنی تایبەت بە سکاڵای ناساندنی حکومەتی هەرێمی کوردستان وەک حکومەتێکی کاربەڕێکەر دوابخات و ڕۆژی ١٤ی کانونی یەکەمی ٢٠٢٦ی وەک وادەی نوێی دادگاییکردن و بڕیاردان لەسەر ئەو دۆسێیە دیاریکرد.