◾️ کۆمیتەی ناوەندی، پاراستنی یەکگرتووییی هەرێمی کوردستان و بەدیهێنانی دادپەروەری بە ئەرکێکی نیشتمانی و چینایەتی دانا.
◾️ قەیرانی سووتەمەنی و کارەبا و بێکاریی گەنجان و هەڵکشانی باج، ژیانی هاووڵاتییانیان قورس کردووە.
◾️ داوا لە مەڵبەندەکان و ڕێکخراوەکانی حیزب کرا لە چالاکییە جەماوەرییەکان بەردەوام بن بۆ داکۆکی لە داخوازییەکانی هاووڵاتییان.
  دەقی تەواوی ڕاگەیەندراوەکە:
ڕاگەیەندراوی کۆبوونەوەی کۆمیتەی ناوەندیی حیزبی شیوعیی کوردستان
ئەمڕۆ ٢١ی ١١ی ٢٠٢٦، کۆمیتەی ناوەندیی حیزبی شیوعیی کوردستان دوای خولەکێک وەستان بۆ گیانی شەهیدانی حیزب و گەل، کۆبوونەوەیەکی تایبەتی لەبارەی ڕەوشی سیاسیی هەرێمی کوردستان و ناوچەکە ئەنجام دا.
لە کۆبوونەوەکەدا، هەڵوێست و چالاکییەکانی حیزب و کاریگەرییەکانیان بۆ دروستکردنی ڕای گشتی لە پێناو «پاراستنی یەکگرتووییی هەرێمی کوردستان» و «بەدیهێنانی دادپەروەری»، بە گرنگییەوە هەڵسەنگاندنی بۆ کرا و بە ئەرکێکی نیشتمانی و چینایەتیی هاوڕێیان و گەلەکەمان دانرا.
لە خاڵێکی تردا، گفتوگۆ کرا لەبارەی قەیرانەکانی سووتەمەنی (نەوت و بەنزین) و کارەبا، قەیرانی بێکاری لە ناو گەنجاندا، و لێکەوتەکانی هەڵکشانی باج و بەتایبەتکردنی کەرتی گشتی لەسەر ژیانی هاووڵاتییان.
هاوکات کۆمیتەی ناوەندی داوای لە هەموو مەڵبەندەکان و ڕێکخراوەکانی حیزب کرد لە چالاکییە جەماوەرییەکان بەردەوام بن بۆ داکۆکیکردن لە داخوازییەکانی هاووڵاتییان، و هەماهەنگییەکان باشتر بکەن بۆ بەهێزکردنی بەشداریی سیاسی و جێبەجێکردنی پرۆژەی نیشتمانیی حیزبی شیوعیی کوردستان بۆ چارەسەری قەیرانەکان، لە پێناو چەسپاندنی دادپەروەریی کۆمەڵایەتی و ئابووری.
لە کۆتاییی کۆبوونەوەکەدا چەند بڕیارێک بۆ بەهێزکردنی کاری ڕێکخراوە حیزبییەکان وەرگیرا.
کۆمیتەی ناوەندیی حیزبی شیوعیی کوردستان
٢١ی ١١ی ٢٠٢٦

powered by social2s


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا