بەرزەبوون

ژنێ گۆتە زەلامی:

• "هەرە ئێدی من نەڤێت تە ببینم، چانتێ خۆ لێک بدە و هەرە"

زەلامی چانتێ خۆ لێکدا، دوو پەنتەرۆن و قەمیسەک، دگەل چەند پەرتۆکەکان راکرن و چوو، لبەر دەری کچا خۆ دیت، کچێ ژ بابێ خۆ پرسیار کر:

• "دێ کیڤە چی باب؟..."
• "دێ چمە جهەک دیر کچا من"
• "من ژی دگەل خۆ ببە"
• "تۆ هێشتا یا بچویکی و دێ ب دویڤ من ڤە وەستی"
• "ئەز یا مەزن بوویم باب، هەست ب وەستیانێ ناکەم"
• "بەلێ... دێ دەیکا تە خەمگین بیت کچا من"

کچێ بەرسڤا بابێ خۆ نەدا و پاشی گۆت:

• "دێ چانتەیێ خۆ لێک دەم و نوکە هێم"

زەلام بێدەنگ ما و ژنشکەکێڤە کچا وی هات ئەو دەستێن وەستیایی و بریندار بووین گرتن و گۆت:

• "دا بچین باب"

ددەستەکی دا چانتە و دناڤ دەستێ دیدا دەستێ کچا وی یا بچویک بەرەڤ دەری چون، کچا وی د گۆهی هرچا خۆ را گرتبوو و گۆتە بابێ خۆ:

• "رێکا مە گەلەک یا مای باب، لەزێ نەکە بۆ چوونێ ئەگەر هوسا بیت تۆ تێر ناژی و دێ مری..."

زێرەڤان سەعید

کورتە چیرۆک