بەو هەموو ڕوانینەوە،
کە سەیری دنیا دەکات،
بێ ئاگا لەوەی دنیا هیچە،
لە هیچەوە دێتەوە...
هەر خۆی نەکەوتۆتە لافاوی هزرەوە،
دەست و پەنجەکانی دێنە گۆ،
قەترەیەک دنیا یادگارییە،
کە دەچێت نایەتەوە...
لە دووری ئەم ڕوانینەوە ،
مەحەبەتم درزی بردووە،
درەنگە بگەمەوە ئەوسەری ئیشراقی،
گوڵ کە سیس بوو،
زبڵخانە چاو دەکاتەوە..
مەحەبەت چ دەردێکە بەم هەموو ئیمانەوە،
سەرم پڕ دەکا لە نووچ !
خول دەخۆم و هەر ناگەمە هیچ...
خەیاڵدانم پڕە لەدووری ،کەچی لەنزیکەوە
بە ڕوانینێکی دوور دەڵێم/ئاگات لە مەحەبەت بێت،
لە دەست و پەنجەکانت بەرنەبێتەوە،
ئەم ئیشراقە ئێشی زۆرە،
کە شکا و هاڕەی کرد ،ئیتر نایەتەوە !
ڕۆژ هەڵەبجەیی
17/11/2023