كەریم دەشتی
دەچمە كۆبانێ، دەچمە كۆبانێ
لەوێ ئازادیی بە دەنگی تابان
بانگی من دەكا
دەچمە كۆبانێ، دەچمە كۆبانێ
لەوێ نیشتمان دڵی شكاوە
سەیری من دەكا
كۆبانێ خاكە
كە خاكیش گریا بوو بە خۆڵەمێش
كەی ژیان لێرە تامی دەمینێ ؟
دوای سووتانی خاك، تاقە بەهایەك
تاقە چرایەك شەوقی نامینێ
كۆبانێ هەر دێم، كۆبانێ هەر دێم
ڕۆژاوا هاتم، ڕۆژاوا هاتم
ئەگەرچی ئێستا وا لە باشوورم
نێوانمان هەمووی تەلبەند كراوە
بەڵام هەمیشە بەدڵ و بە گیان
من هەر لە لاتم
كۆبانێ هاتم، كۆبانێ هاتم
باكوورم بۆتە گڕو گڵپە و نوور
ڕۆژهەڵاتیشم كڵپە ئەسێنێ
لێم روونە كەوا
كلیلی دەرگای ئازادیی وڵات بە دەست ئەهێنێ