هونەرمەندی ناسراوی شێوەکار )دلێر محەمەد شەریف( ئامادەیی تەواوی کردووە بۆ نمایشکردنی دەیەمین پیشانگای تایبەتی خۆی کە بەناونیشانی (تارمایی) ناسراوە.
ئەم پیشانگا هونەرییە رۆژی دووشەممە، رێکەوتی 17-11-2025، کاتژمێر 11ی بەیانی لە هۆڵی میدیای شاری هەولێر دەرگای خۆی بۆ ڕووی ئامادەبووان و خولیاکارانی هونەری شێوەکاری دەکاتەوە.
بەپێی زانیارییەکانی بڵاوکراوە، هونەرمەند دلێر محەمەد شەریف کۆمەڵێک تابلۆی نوێ ئامادەکردووە کە بۆ یەکەم جار لەم پیشانگایەدا پیشان بە خەڵک دەدرێن.
ئەم بۆنە هونەرییە دەرفەتێکی گونجاوە بۆ ئەوانەی حەزیان لە هونەری شێوەکاری هەیە تا لە نزیکەوە ئاشنا بن لەگەڵ دوایین بەرهەمەکانی ئەم هونەرمەندە، بەشداریکردن بۆ هەموو خولیاکارانی هونەر کراوەیە.
شایانی باسە ئەم پیشانگایە ماوەی چوار رۆژ بەردەوام دەبێت و، بەیانیان لە كاتژمێر 10- 12 و ئێواران لە 3-6 كراوە دەبێت.