ئەرخەوانی سەر بە تەم و
خوێنی برینم دەشواتەوە
پەنجەی سڕم
گرێی فەڕشی وێرانە ماڵ
بۆ پێشوازی، تنۆكی باران دەكاتەوە
كە باران دێ
تاڵی قژی گوڵی گەنم و
شارای وەستاوی ناو كێڵگەم
پەلكەزێڕینەی نمناكە
داسی دەستی وەرزێڕەكەم
كە باران دێ
لە سووراوی خۆرنشین دا
تاسەی خەوێك دەمباتەوە
هەر پەنجەی گزنگ شك دەبەم
چاوی ماندووم بشواتەوە
كە باران دێ
دابەش دەبم
ڕوانینم، بۆ بروسكەیە
خەیاڵم، هەور زیندەكا
گوێچكەم، كەیلی چەخماخەیە!
حەمید قەڵادزەیی