فەرزاد سەفەرە
تا ههر جار بهشێگم له ههڵهت و هاوار
تا ههر جار تێكهڵ تهم و مهودا
تا ههر جار جارێ نهجارێ بووسیم له یهكهم جارا
له سهرهتاوه ههر دڵهڕاوكێ و ههر نهویسیەم وهڵ نهویسیانا
له ههر تا ههراێهەر سێوەر له سهرما نهسرهوێ جاری
تا ههر جار ههورهو بۊنم بگرمینێد و نهوارێ
یانێ وشكایی ههنگاو و ڕێ و دهرفهت و دهفتهرم بگرێده وهر
یانێ وهر بكهیده ههر لاێگا و ههر جار چهنگیزخان
وهر بكهیده ههر واێگا و ههر جار جهمشیدخان
وا گشتمان بهێده ههر جار نیشتمان پڕ بكهێد
پشتمان دهێده ههر زهۊێگا خاڵی بوود و خاكیتر له ههر جار تێكهڵ
تێكهڵاو بۊن له سۊەریمانا ڕهوتێگه بێ وسیان و وێڵ
تێكهڵ بۊن وهل مهودا و دڵهڕاوكێ و بێشوونی
تێكهڵ بوون وهل خوهڵ و خوەڵهكوو و فارسی و پشی
تێكهڵ بۊن له حهیه ئهلهسهڵات و وهسهلام
بهشداریمان له ههڵوێژانن ههڵهگان وه شانازیهو
وا گشتمان بهیده بێ به شیمانا و
چهنگیزخان دورمێگه گشتمان تۊشێ هاتیمنە
هاتیمنە تا ههر جار و نههات
هاتیمنە تا ههر جار تهقینهوە
هاتیمنە تا ههر جار پێچهوانه
هاتیمنە و هاتێ ئاسایی بۊه له ههر جارمانا
چهنگیزخان ئاسایی بۊه له خۊنمانا
دی ئاساییه وا هووکارەێ پەتمان بکهێده ههر دهسێگا
ئاساییه ههر جار نیشتمانمان نهشتهرگهری بکهن و
ههر جار سهقامهگیژهێ گهوارترهو بوو
ئاساییه لهش پشی ئاوهڕۊت بکهن و
پشی له کونا مۊشا بیهێده ژێر مردن خوهێا
ئاساییه و ئاسایی
تا ههر جار ئاساییم
بێجگه گیس ژن و جگهره
تا ههر جار بێجگه وازکردن دهروهچ
بێجگه تا ههر جار و
تا ههر جار
وسامه تا چوارم باێدنهو