هەژار ئیبراهیم - سۆران*
"دڵشکاو" ناونیشانی کتێبی چوارەمی نووسەر، فارس دژەباوە، کە ٤٠٠ چوارینەی جۆراوجۆری لە هەموو بوارەکان لەخۆ گرتووە.
نووسەر بۆ "ڕێگای کوردستان" وتی: "کتێبەکەم پێشکەشە بە هەموو ئەوانەی لە خۆشەویستی و ڕەخنە و ئەدەب تێ دەگەن و خاوەن هەڵوێست و ئازادیخواز و هۆشیارن لە ژیاندا."
هەروەها وتیشی: "ڕەنگە ئەم کتێبەی من بەدەر نەبێت لە هەڵە و کەموکوڕی، بەڵام بۆ منێکی پێشمەرگە و کرێکار، کە یەک ڕۆژیش نەچوومەتە بەر خوێندن، مایەی سەربەرزییە کە هەموو چین و توێژێکی پەراوێزخراو و ستەمدیدە و دڵشکاو لە زمانی شیعریم تێ بگات."
لەکۆتاییدا سوپاسی "ڕێگای کوردستان" و هەموو ئەوانەی کرد کە هاوکاری بوون و ڕێز لە ماندووبوونی دەگرن و گرنگی بە بەرهەمەکانی دەدەن.