هیچ ڕێگایەک درێژ نەبوو
هیچ هەورازێک دژوار و
پشتشکێن نەبوو!

لەگەڵ تۆدا
گەشتم دەکرد
 بۆ دونیای دوور
هەرگیز حەزەرم نەدەکرد
لەو مینانەی کە چێنرابوون
لەسەر سنوور!

هاوڕێ ئێستا
 هیچ زات ناکەم
هەتا نێو حەوشەکەم بڕۆم
خێرا تەنگەنەفەس دەبم
چونکە بێ تۆم!

ژیان ئاهەنگێکی
 خۆش بوو بەڵام فیراق
 شێواندی لێم!
دوای تۆ
تەمەن مانای نەما
ئەگەر مەرگ جورئەت دەکا
با بێتە ڕێم!

جەمال حەمید

powered by social2s


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا