مودریک ژاڵی
1
مردن :
دهبێ رۆحی ههبێ
ئهگینا بۆجارێك
لهگۆڕستان
ئهوم نهدی ؟!
2
مردن:
ههمیشه بهدهوڵهمهندی
پۆز لێدهدا
سهیارهی جام تاریك و
فهلسهفهی چهواشهكاری
لێدهخوڕێ !
3
مردن :
دۆنادۆنی
بهگهمهیهكی شێتانه دهزانێ
بۆمن لهدوێنێ دهچم؟
4
مردن :
نهلهعهشق دهزانێ
نهله شیعریش دهگا
سیاسهتمهدارێكی رۆژههڵاتییه !
5
مردن :
بێڕهنگه
كهچی هارمۆنیای رهنگهكان
نهخش دهكا !
6
مردن :
گۆرانییهكی
ههمیشه لهسهرلێوه
بهڵام كهس نازانێ دهڵێ چی !
7
مردن :
بێكات و شوێنه
تهنیا لهم رۆژههڵاته
ئاڵای نهمری ههڵكردووه !
8
مردن :
بۆههمیشه دهنگ دههێنێ
ئیدی ههر لهدهسهڵاته !
9
مردن :
سیگار ناكێشێ
تلیاك و حهشیش و كحولیش
كهچی ئێمهی
تهواو بهنج كردووه !
10
مردن :
ناچێته گۆڕهوه
ههر بهپێوهش
جاڕی مافی مرۆڤ لێدهدا !
11
مردن :
رۆحی تێدا نییه
كهچی تهنیائیش
لهجیهانی رۆحدا دهكا !
12
مردن :
نهخودای ههیهو نهدین
نهدهشمرێ
لهئێمهدا !
13
مردن :
ههمورۆژێ
خۆی دهتهقێنێتهوه
كهچی ههر قهڵهو تر دهبێ !
14
مردن :
خوێندهواری نییه
جههلی موڕهكهب دهنۆشێ
كهچی ههر خۆی
براوهی ههڵبژاردنهكانی رۆژههڵاته !
ــــــــــــــــــــــــــــــــــــــــــــــــــــ