هاڤان محه‌مەد
سڵاو دڵی من
شەوێک جوانتر لە چاوی تۆ و ئارامتر لە چاوی من، تێکەڵ بو لەگەڵ چرکە ساتاکانی تەمەنمان. من کاتێکی دیاریکراوم نیە بۆ دەربڕینی هەستەکانم، بەدرێژایی شەو ڕۆژەکان هەر خۆشمدەوێی، وشەی نامەکانم بۆنی عەشق تۆی لێ دێ. ژنێکی چووار وەرزیم من کە تێکەڵت بووم وەک شەپۆلەکان تا قولایی دەڕۆم، وەک ئەستێرە بەسینگی ئاسمانەوە دەنووسێم، وەک باران بۆنی زەوی دەکەم ، تونتر ماچت دەکەم . خێراتر هەناسەکانت دەخۆمەوە، زووتر لە باوەشت مەست دەبم ، شەوێکی پایز دەیان خونچەی بەهارمان تەکاند، ئەو وشانەم بەتۆ وت کە لەتەمەنما نەمتوانیوە بەکەس بلێم ئێمە لەخەونێک هاوبەشبوین ڕاستەقینەی لە چاوەکانی ڕواندین، بیرت نەچێت تۆ لەناخمدا جێگیر بویت دەزانم دڵم ئەوەندەی بۆ تۆ لێدەدات بۆ خۆم لێنادات، نزایەکی پڕ بەدڵم کرد ئەو شەوە کە رۆحم نەزری رۆحت بێت ئەی گیانی من.