مـــــــن جـــــوتــــیــــارێـــــکــــــم
من جوتیارێکم گەنم دەچێنم
دەیخەمە ژێر خۆڵ و بەجێی دەهێڵم
چاوام لە بارانە تا نمە نمە بەسەری بێتە خوارەوە
دواتر پێویستم بە خۆرێکی پڕشنگ دارە
تا توزەڵە بدات و سەر بێنێتە دەرەوە
کەسەری هێنا دەرەوە
ئینجا دەبێت بجەنگێت
بجەنگێت بۆ مانەوە
بجەنگێت لەگەڵ ئەو قەلە ڕەشانەی
کە دەنوک ئەدەن لەسەریان و بۆ
ئەوی دەریان بێنێت لە ڕەگ و ڕیشەوە
دەبێت بجەنگێت لەگەڵ
ئەو شەختەو بەفرو بەندە
تا سست نەبێت و بێتە دەرەوە
دەبێت بجەنگێت لەگەل
ئەو کرمانەی کە لە ژێرەوە پەلاماریان دەدەن
دەبێت بجەنگێت لەگەڵ
ئەو جورجە چاوبرسیانە کە
تێریشیان خوارد ئەوی تر دەدورنەوە
دوای ئەو هەموو ماندوو بوونە
وە پاک بوونەوە لەو حەشەراتانە
ڕزگار بوون لەسەرما و سۆڵە
ئەوا گوڵە گەنمە جوانەکان سەر دێننە دەرەوە
ئەو گوڵە گەنمانەی کە بوونە
قوربانیش جێگایان هەر دەمێنێتەوە.
نــــــــــووسەر.،. هـــــــاوڕێ حـــــاجـــــی