شاعیر: ئیسماعیل نەواب سەفا..
 وەرگێڕانی لە فارسییەوە: شەهلا نووری
 

لە خودا دەخوازم
بە دڵخوازی خۆم بمرم،
واتە تۆ ببینم و
دواتر بمرم.

ئەو شەونمە پاکەم کە لە گوڵزاری سروشتدا،
لەناکاو هاتمە بوون،
لەناکاویش بمرم.

ئەی عیشق!
لە گیانی من و دڵی ماندووم چیت دەوێ؟
لێمگەڕێ،
بەم خەمە گیانسۆزەوە بمرم.

لە دۆڵی تەمەنی پڕ لە پێچ و خەمدا،
گومڕام بەسەر بردووە و
گومڕا بمرم!

شەمعم من و
ڕووی تۆ ئومێدی سەحەرمە،
مەهێڵە بێ دیداری سەحەرگە بمرم!

دەیگوت سەفا:
زیندووی جاویدان منم، من،
ڕۆژێ کە بە دڵخوازی تۆ،
ئەی مانگ، بمرم…
 

powered by social2s


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا