شاکر گوهەرزی
ئەم دکارین بێژین کو هێزا کاری وپروسەیا گەشەپێدانێ دوو جەمسەرێن هاوکێشەیەکا هەڤسەنگن ، چەند گەشەپێدان خورتترو بلەزتر و موکم تربیت، پێدڤی یا هەبوونا هێزەکا کاریگەر و چالاك یا کارکرنێ وبەرهەمهێنانێ دێ فەرترلێ هێت، ژبەر کارێ ڤێ چەندێ ژی پێدڤیە گرنگیەکا مەزن ب چالاکی وکاریگەری و ساخلەمی یا ئاڤەدانکرنێنە، ل گورەی ڤێ پێشکەفتنا جیهانی یا د بیاڤێ تەکنەلوژیا وبازارێ کاریدا پەیدا بووی، شێوازێن خو پاراستنێ و پاراستنا ساخلەمی و گیانێ کرێکاران یا بوویە پێدڤیەکا فەرا ڤی سەردەمی ، ماددەیێن (١٠٧ هەتا ١١٣ ) ژ پشکا چوارێ ژیاسایا کار یا عیراقی ژمارە(٧١) یا سالا ١٩٨٧ ئاماژە ب ئەرکێن خودان کاران و پاراستنا باشترین بەرژەوەندی یا کرێکاران ل جهو ژینگەها کاری کرییە، وەزارەتا کارو کاروبارێن کومەلایەتی وەکو ئەرکەکێ یاسایی و مورالی و ئیداری ، گرنگیەکاتایبەت ب ساخلەمی و سەلامەتی یا پێشەیی یا کرێکاران ددەت، ژبو دەست نیشانکرنا وان مەترسی یێن ددەمێ کارکرنێدا بەرتاڤێ کرێکار دبن و دبنە سەدەمیێ رودانێن کاری، هەروەسا رێکێن خوپاراستنێ ومەرجێن سەلامەتیێ یا پێشەیی ب ئاواوایەکێ پوختە و هێسانی تێدا هاتینە شروڤەکرن ، دهەر کارەکێدا نەدوورە مەترسی یێن فیزیاوی ، کێمیاوی، میکانیکی،بایلوژی، کارەبایی و ساخلەمی یا گشتی هەبن و ل گورەی سروشتێ هەرکارەکی مەترسی یێن وی کاری هاتینە دەستنیشان کرن و مەرجێن سەلامەتی یا پێشەیی ورێکێن خوپاراستنێ بو هاتینە دانان، هەروەسا ب شێوەیەکێ کورت ئاماژە ب مەترسی یێن ئەرگونومی هاتییە دان کو سروشتێ هەڤبەندی یا دناڤبەرا کرێکاران و ئالاڤێن کاری و ژینگەها کارکرنێ ددەتە خویاکرن، ژبوهەرکارەکێ پوختەیەك ژ سروشتێ کاری مەترسی یێن پێشەیی و مەرجێن سەلامەتی یا پێشەیی ددەتە خویاکرن و پاشێ ئەرکێن خودانکار و کارمەندێن سەلامەتی یا پێشەیی و کرێکاران دەستنیشان دکەت کو ئەڤ سێ گوشەیا (خودانکار و کرێکار و کارمەندێن سەلامەتیێ) ب چالاکترین شێواز بکەڤیتە کاری و ژیان و ژینگەهەکا ساخلەم و ئێمن ژبو کرێکاران و پروسەیا وەبەرهێنانێ دابین بکەت، هەروەسا ساخلەمی سەلامەتی یا پێشەیی یا عیراقی هاتینە وەرگرتن و ب زمانەکێ ساکار و ب ساناهی هاتینە وەرگێران کو هەمی کرێکار و خودانکار و کارمەندێن پشکا سەلامەتی یا پێشەیی بشێن بخوینن وبکەنە ژێدەرەکێ گرنگ و کاریگەر ژبو ب جهئینانا مەرجێن سەلامەتی یا پێشەیی دجهێ کاریدا، هەمی هیڤی یا مەئەوە کو ل هەمی وەزارەت و دامودەزگەهێن میری لژنەیێن دویفچوونا سەلامەتی یا پیشەیی هەبن و ب مجدی سەرەدەریێ دگەل ڤێ دگەل یاسایا کاری بکەن چونکە پاراستنا ساخلەمی وژیانا کرێکارو فەرمانبەرێن حکومەتێ ئەرکێ سەر ملێن هەمیانە، هەمی شەهرستانی و پێشکەفتنێن هەی دجیهانێدا مروڤان یێت داناین و مروڤێن ساخلەم ب رێڤە دبەن.