لە ئۆپۆزسیۆن و ئاڵۆزییە گەورەکانی ناوچەکەدا، بەریتانیا بریارێکی نوێ لەبارەی ئامادەیی دیپلۆماسی خۆی لە ئێران دەردەکات و هۆشداریی توندیش دەداتە هاوڵاتییانی.
وەزارەتی دەرەوەی بەریتانیا لە ڕاگەیەندراوێکی فەرمیدا (چوارشەممە، ٢٢ی تەمووزی ٢٠٢٦) ڕایگەیاند، بڕیاریان داوە کارمەندانی باڵیۆزخانەکەیان لە تاران بکشێننەوە. ئاماژە بەوەش کراوە کە لەمەودوا تەواوی کارووبارە دیپلۆماسییەکانی پەیوەست بە ئێران لە دوورەوە (ڕیمۆت) بەڕێوە دەبرێن.
گرنگترین خاڵەکانی ڕاگەیەندراوەکەی وەزارەتی دەرەوەی بەریتانیا:
- وەستاندنی گەشتەکان: داوا لە هاوڵاتییانی بەریتانی دەکرێت ژێر هیچ بارودۆخێکدا گەشت بۆ ئێران نەکەن.
- داواکاری لە نیشتەجێبووان: ئەو هاوڵاتییە بەریتانییانەی ئێستا وەک گەشتیار یان دانیشتووان لە ئێرانن، پێویستە بە پەلە پێداچوونەوە بە مانەوەیاندا ببن و هەڵسەنگاندن بۆ ئەو مەترسییە جدییانە بکەن کە لەم دۆخەدا ڕووبەڕوویان دەبێتەوە.
- مەترسی بۆ هەڵگرانی دوو ڕەگەزنامە: هۆشداریی تایبەت دراوەتە هاوڵاتییانی خاوەن دوو ڕەگەزنامەی (بەریتانی - ئێرانی) کە رووبەڕووی مەترسییەکی ڕاستەقینەی دەستگیرکردن و لێکۆڵینەوە دەبنەوە. وەزارەتەکە ڕوونیکردووەتەوە کە تەنیا هەڵگرتنی پاسپۆرتی بەریتانی یان بوونی هەر پەیوەندییەک بە بەریتانیاوە، دەکرێت بێتە هۆی دەستگیرکردنیان لەلایەن دەسەڵاتدارانی ئێرانەوە.
پاشخانی رووداوەکە: ئەم هەنگاوەی لەندەن لە کاتێکدایە کە ئاڵۆزییە سەربازی و سیاسییەکان لە ناوچەکەدا گەیشتوونەتە ئاستێکی بەرز و هێرشەکانی ویلایەتە یەکگرتووەکانی ئەمریکا بۆ سەر ئامانجەکان لە ئێران ڕوویان لە زیادبوون کردووە.
