بە بۆنەی وەرگرتنی بەرپرسیاریەتی سەرنووسەر و جێگری سەرنووسەری هەفتەنامەی ڕێگای كوردستان، پیرۆزبایی گەرمتان لێ دەكەین.
هەفتەنامەی ڕێگای كوردستان یەكەمین ژمارەی بە ناوی (ئازادی) لە نیسانی ١٩٤٤ دەرچوو، تا هەنووكەش وەك بەشێك لە بزاڤی ڕۆژنامەگەری كوردستانی و سەكۆیەكی لایەنگری خەڵك، خاك، بیری چەپ، تێكۆشانی چینایەتی و نیشتمانی بەردەوامە.
ئێوەش لەم قۆناغە بەرپرسیاریەتییەكی گەورەتان دەكەوێتە سەرشان بۆ درێژەدان بەو كاروانە دوور و درێژە، ئەمڕۆش لە هەموو كات زیاتر كۆمەڵگەكەمان پێویستی بە بڵاوكردنەوە و پەرەپێدانی هزریی چەپ و پێشكەوتنخوازی هەیە، كاتێكش نووسەر و تێكۆشەرێكی ژن ، بەتوانای خۆی بەر پرسیارێتی سەرنووسەری رێگای گوردستان وەردەگرێت، مایەی شانازی ئێمە و بزووتنەوەی ژنان و یەكسانی و دادپەوەریشە .
هیوای سەركەوتنتان بۆ دەخوازین و لە توانا و دڵسۆزیتان دڵنیاین لە بەرەو پێشبردنی زیاتری ڕۆژنامەكە و پڕ خوێنەركردنی.
مەكتەبی ڕاگەیاندنی ناوەندیی
حزبی شیوعیی كوردستان
24ى 11ى 2025