لە یارییەكانی قۆناغی یەكەمی چامپیۆنز لیگی ئاسیا، هیلالی سعودی لە یاریگای خۆیدا میوانداری شورتەی عێراقی كرد.
لە تایمی یەكەم، یانەی خاوەن یاریگا باشتر بینران و لە خولەكەكانی 11 و 15 دوو گۆڵیان لەسەریەك لەلایەن یاریزانان ماركۆس لیۆناردۆ و میترۆڤیچەوە تۆماركرد.
لە تایمی دووەم، دووبارە هیلالییەكان كۆنترۆڵی یاریگایان كرد و لە خولەكی 47 خەلیفە ئەلدەوسەری گۆڵی دووەمی بۆ تۆماركردن، پاش ئەوەش لە گۆڵ كردن نەوەستان و دووجاری تریش لە خولەكەكانی 73 و پێنجی كاتی زیادكراوی تۆڕی گۆڵی یانە عێراقییەكەیان لەلایەن یاریزانان ناسڕ دەوسەری و كانۆوە هەژاند.
سەرەنجامیش یارییەكە بە پێنج گۆڵی بێوەڵام بە بردنەوەی هیلال كۆتایی پێهات و دووەم بردنەوەی لە پاڵەوانێتییەكە تۆماركرد، شورتەش لە دوو یاریدا خاوەنی تەنیا خاڵێكە.