لە یارییەكانی قۆناغی یەكەمی چامپیۆنز لیگی ئاسیا، نەسڕ لە یاریگای ئەوەل پارك میوانداری عەینی ئیماراتی كرد.
لە تایمی یەكەم نەسڕ بە تەواوی كۆنترۆڵی یارییەكەیان كرد و هەر لە خولەكی پێنجیش لە رێگای تالیسكەوە بە گۆڵێك پێشكەوتن، پاش ئەوەش دوو گۆڵی تریان تۆماركرد لە خولەكەكانی 31 و 37 لەڕێگای كریستیانۆ رۆناڵدۆ و كاردۆسۆوە بە هەڵە.
لە تایمی دووەم، لە خولەكی 56 كرێپسكی بە هەڵە گۆڵێكی بە خۆیان تۆماركرد و جیاوازییەكەی بۆ عەین كەمكردەوە، بەڵام پاش ئەوە دووبارە نەسڕ باشتر بینران و توانیان لە خولەكەكانی 81 و چواری كاتی زیادكراو لە رێگای وێسڵی و تالیسكاوە دوو گۆڵی تر تۆماربكەن و سەرەنجامیش یارییەكە بە پێنج گۆڵ بەرامبەر بە گۆڵێك لە بەرژەوەندی رۆناڵدۆ و هاوڕێكانی كۆتایی پێهات.
بەم ئەنجامەش خاڵەكانی نەسڕ لە چوار یاریدا بوون بە 10 خاڵ و لە پلەی سێیەم دێت، عەینیش تەنیا یەك خاڵی هەیە و لە پلەی كۆتایدا جێگیربووە.