لە چوارچێوەی گەڕی چوارەمی قۆناغی خولی چامپیۆنزلیگ، یانەی ئایک ئەسینا ئەمشەو چوارشەممە میوانداری یانەی ڕیاڵ مەدریدی ئیسپانی دەکات، لە یاریگای ئاگیا سۆفیا
یارییەکە کاتژمێر ٨:٤٥ بە کاتی هەولێر دەستپێدەکات و بە یەکێک لە گەورەترین شەوەکانی ئەوروپی دادەنرێت بۆ یانە یۆنانییەکە.
ئایک ئەسینا کە دوای ١٨ ساڵ گەڕاوەتەوە چامپیۆنزلیگ، بە بردنەوەیەکی مێژوویی دەستیپێکرد بەرامبەر لاسک، بەڵام دواتر تووشى شکستێکی قورس هات بەرامبەر شاختار و مان سیتی و ئێستا بە ٣ خاڵ لە پلەی ٢٩ەمینە. بەرامبەرەکەی ڕیاڵ مەدرید بە پێچەوانەوە، بە ٩ خاڵی تەواو و ٣ بردنەوە لە پلەی چوارەمدایە و چاوی لە گەیشتنە بە هەشت ديثة یەکەمەكان.
لە رووی پێکهاتەوە، ئایک بەبێ گۆڵپارێزە سەرەکیەکەی ستراکۆشا یاری دەکات و هیوای لەسەر لوکا یۆڤیچی ئەستێرەی پێشووی ڕیاڵ مەدرید هەڵچنیوە. لەلایەکی ترەوە ڕیاڵ مەدرید بە هێزی تەواوەوە دێت، ڤینیسیۆس جونیۆر دەگەڕێتەوە و مباپێش لە ئاستێکی بەرزدایە و دەیەوێت لە ٦ یاری لەسەر یەک گۆڵ بکات.
ڕیاڵ مەدرید لە مێژوودا تەنها یەک جار بە یانەیەکی یۆنانی دۆڕاوە لە کۆی ١٤ یاری، بۆیە ئایک ئەرکێکی زۆر قورسی لەبەردەمە.