حەمەسەعید حەسەن

 

ژن ژنی خۆیەتی

ڕۆژانە دەیداتە بەر شەق و

شەوانیش دەخزێتە ئامێزی

کەرەسەی ماڵ ئاسا ئەویشی کڕیوە

وەک پێڵاو سەرنجی ژنی خۆی دەدات و

دەبێتە پێڵاوی ژنانی لەشفرۆش

هەندێ جار گۆرەویی خۆی دەشوا

زەڵاتە چێ دەکا

کە تەواو مەست دەبێ

دۆ و دۆشاو تێکەڵاو دەکات و

گوڵدان و ئینجانە تووڕ دەدا و

بڵێسە لە چاوی دەبارێ

بەدگومان لە چرپەی منداڵ و

جریوەی چۆلەکە و بۆنی گوڵ

متمانەی بە برای خۆی نییە

بە هەڵەی منداڵیش هەڵدەچێ

هەمیشە بیری لای تۆڵەیە

کە دەستی لە پارە و دەسەڵات گیر دەبێ

ئافرەتیش وەک پێڵاو دەگۆڕێ

*

(*) بە کاریگەریی شیعرێکی سۆنیا ئۆکەسۆن نووسراوە.

 


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا