ئاژانسی هەواڵی فرانس پرێس (بە پشتبەستن بە دوو سەرچاوەی حکومیی عێراق) بڵاوی كردۆتەوە كە عێراق بڕیارێکی ئەمریکا دژی کۆمپانیا فڕۆکەوانییەکانی ئێران جێبەجێ دەکات
وردەکاریی بڕیارەکە:
• جێبەجێکردن: حکومەتی عێراق بڕیاری ئەمریکای بۆ سنووردارکردنی چالاکی کۆمپانیا فڕۆکەوانییەکانی ئێران دەخاتە بواری جێبەجێکردنەوە.
• وەخت: عێراق لە بەرەبەیانی ڕۆژی سێشەممەوە سەرجەم گەشتەکانی کۆمپانیا فڕۆکەوانییە ئێرانییەکان ڕادەگرێت.
• هۆکار: ئەم هەنگاوە لە چوارچێوەی پابەندبوونی تەواوی عێراقدایە بەو بڕیارەی کە وەزارەتی دارایی ئەمریکا دەریکردووە.
ئاگاداریی ئەمریکی: سەرچاوە حکومییەکان ئاماژەیان بەوە داوە، ئەو وڵاتانەی پابەندی ئەم بڕیارە نەبن، ڕووبەڕووی هەمان سزاکان دەبنەوە.
لای خۆیەوە، سەرچاوەیەکی دووەمی حکومیش بە فەرمی هەواڵی جێبەجێکردنی ئەم بڕیارەی لەلایەن عێراقەوە پشتڕاستکردەوە.
