ئیدریس سدیق
بۆ رۆهان سیفۆ (Rûhan Seyfo ) ی دڵ و دەروون پاکی بێگەرد : بچریکێنە بە بەردەوامی ، هەموو ئان و ساتێك ، بە هێوری و بە نەرمی ، دەبا دەنگە زولالەکەت خەون و خۆراکی نەیاران ، داگیرکەران و دوژمنان بکات بە قوڕقوشم و ژەهری مار .
ئاپێ مووسا ( مووسا عەنتەر ) ی رۆژنامەنووس و نووسەر و رووناکبیری کوردی باکوور ، لەلایەن ژیتەمی تورکی داگیرکەر لە 1992 / 9 / 20 لە ئامەد تیرۆرکرا ، دەوڵەتی تورك لە فیکەکەی دەترسا ، دەڵێ : " ئەگەر زمانی دایکی من بونیادی دەوڵەتەکەی تۆ دەهێنێتە لەرزە ؛ کەواتە دەوڵەتەکەی تۆ لەسەر خاکەکەی من بونید نراوە " .
لە سەروبەندی یاسای بەرنامەی ( پلانی چاکسازی رۆژهەڵات ) ی ساڵی 1925 ەوە قەدەغەی زمان و ئاخافتنی کوردی کرا ، لە خوێندنگا ، نەخۆشخانە ، شوێنە گشتییەکان ، بازاڕ و ......
لە مەحال مەحاڵتر ، لە رۆژهەڵاتی ناوەڕاست تورکێك بکرێت بە مرۆڤ ، ئنجا مرۆڤێکی مۆدیرن ، هاوچەرخ ، مرۆڤدۆست و دیموکراتیخواز ! تورك و تیرۆر دووانەی یەکن ، ماوەی سەد ساڵە فاشیزمی تورك کار بۆ شۆڕکردنەوەی فۆڕمی هزری کۆی مانا و رەفتاری نەتەوەپەرستی بۆنێو ناوەندی کۆمەڵایەتی ، دامەزراوەکانی کۆمەڵگە و دەوڵەت لە تورکیا دەکات ، پاکتاوکردنی کورد ، وەك عورفێکی سیاسیی و تاوان وێنا دەکرێ .
تورکیا دەمێکە رقی ئەستووری لە یانەی ئامەد سپۆرە ، لە 2025 / 9 / 29 ، یەکێتی تۆپی پێی تورکیا سزای بژاردنی 110 لیرەی بەسەر یانەکەدا سەپاند ، بەتۆمەتی بانگەشە و بەرزکردنەوەی دروشمی کوردایەتی ! رەنگە هەندێ کەس وابیربکەنەوە کە ئەمە تەنها کارێکی وەرزشوانییە زۆر بەهەڵە داچوون ، ئەمە سیاسەتێکی قووڵی رەگ داکوتاوی سەدان ساڵەی رژێمی ئەپارتایدی تورکیای رەگەز پەرستە ، بیری چەپەڵ و قێزەونی دەسەڵاتە ، تا ئێستا 12 جار سزادراوە ، بەتایبەتیش پاش بردنەوەی ئەم دواییەی لە بێشیکتاش بە ( 3 - 2 ) و بوو بە هەڵبژاردەی سووپەر لیگی تورکیا .
روهان سیفۆی تەمەن 11 ساڵ ، ئاساییە وەك هەر کەسێك خۆشی و شادی دەرببڕێ و گۆرانی بڵێ :
Ji Serhedê ta Botanê ,
Deng vedide vê dilanê ,
Xort û qîzên nav eşiran ,
Daketine vê maydanê ,
De Lêxa Lêxe , Amedê Lêxe !
Agirê dilê me , tu îro vêxe !
ئەگەر دوێنێ بەرخودان و خۆڕاگری ، چەکی دەستی گەریلاکان بوو ، سەربازگەی دوژمنی داگیرکەری تارومار دەکرد و دەیوت ( گەریلا لێخە ! ) ؛ ئەوا ئەمڕۆ رۆژی رابوونی نەتەوەیی و تێکۆشانی کۆمەڵاێەتیی و سیاسیی لە نەریت و کلتوور و زمان ، زارۆك و گەنجەکان ، بە یەکەوە دەڵێن : " ئامەد سپۆر لێخە ، ئاگری دڵی مە پێخە ، لێخن دەبرا دەلێخن " ! بەرهەمی ئەو تێکۆشانەیە کە بەهای بۆ زمان خوڵقاندووە توانا هونەرییەکەشی لە زمانەکانی عەربی ، فارسی و تورکی رزگاری بووە ، کاتێ هونەر و وەرزش و سیاسەت ئاوێتە ێەکتر دەبن خەڵکیش خاوەندارێتی دەکات ، ئەو ساتانەیە سەرلەنوێ مێژوو دەنووۆسنەوە .
تەنها 48 کاتژمێر تێپەڕ نەبوو بەسەر گۆرانییە مرۆڤدۆستییەکەو مەزنتر لە رەگەزپەرستی ، 5 ملێۆن بینەری لە تۆڕە کۆمەڵایەتییەکان تپەڕاند و هەموو سنوورەکانی بەزاند بوو بە ترێند و شۆڕشێکی ئاشتی !
ئەو دەنگە زولالە ، دەنگ و ئاواز و سەدای پەپوولەیەکی کورد ، تەخت و تاجی سوڵتانە عوسمانییە ئیخوانییە بوگەنەکانی هێنایە چۆك و لەرزین ، دەزگە هەواڵگرییەکان بەرگەیان نەگرت ، بە دەمە گڵاوەکەیان قەپییان لێگرت و گۆرانییەکەیان لە هەژمارەکە سڕییەوە !
وەك گۆرانییەکەی پێشوو تری ( کینە ئەم ؟ کوردین ئەم ) ی یانەکە و سزادانی .
ئەگەر پەیجێك بسڕنەوە ، ئاساییە بە هەزارانی تر دادەنرێتەوە ، دەنگی رەسەن هەمیشە بە زیندوویی لەناو دڵان دەمینێتەوە .
جوانە مرۆڤ لە پێناو نیشتمان سەربنێتەوە ، بەڵام جوانتر ئەوەیە لە پێناو نیشتمان بژی .
روهان سەیفۆی رچەشکێن ، بەو تەمەنە منداڵییەی ، هێندەی تەواوی سەرکردەکانی کورد عەرشی داگیرکەرانی هەژاند .
سڵاوی گەرمی دڵی پڕ ئومێدی مەی پێشکەش .
تێبینی
هەندێ زانیاری لە google وەرگیراوە .
دووشەممەی
28 / 9 / 2026
