شەست و سێ ساڵ بەر لە ئێستا لە ڕۆژی ٨ ی شوباتی ١٩٦٣ تاقمێک چەقۆکێش لە بەعسی و نەتەوەپەرستەکان، بە پشتیوانی ئیمپریالیزم و هێزە کۆنەپەرستەکانی ناوخۆیی و ئیقلیمی، کودەتایەکی خوێناویان لە دژی کۆماری عێراق و دەسکەوتەکانی شۆڕشی ١٤ ی تەممووزیت ١٩٥٨ و تێکڕای گەلی عێراق و پێکهاتەکانی و هێزە دیموکراتی و پێشکەوتنخوازەکان و بەر لە هەموویان حزبی شیوعی عێراق ئەنجامدا.
لەو ڕۆژەوەی بەعسی و نەتەوەپەرستەکان جڵەوی حوکمڕانیان گرتە دەست، عێراقیان نوقمی خوێن و شەڕ و کاولکاری و سەرکوتکردنی خەڵک کرد
سامانە زۆر و زەبەندەکانی لە شەڕە بێ ماناکان و وێرانکردنی عێراق بە فیڕۆ درا کە کوردستان پشکی گەورەی بەرکەوت هەتا گەیشتە ئەنفال و کیمیاباران و خاپوورکردنی گوند و شارەکانی.
نەفرەت لە بەعس و پشتیوان و هاوکارانیان.
نەمری بۆ شەهید و قوربانیانی دەستی تاقمە خوێنڕێژەکەی بەعس و نەتەوەپەرستان.
