ڕێگای كوردستان
گروپی حوسییه‌كانی یه‌مه‌ن زنجیره هێرشێكی موشه‌كی و درۆنیان كرده سه‌ر چه‌ند ئامانجێكی ستراتیژی و نه‌وتی له ناو خاكی سعودیه، له به‌رامبه‌ریشدا هاوپه‌یمانیی عه‌ره‌بی و هێزه‌كانی حكومه‌تی یه‌مه‌ن وه‌ڵامی توندیان دایه‌وه و پێشڕه‌وییان كرد.
خاڵه سه‌ره‌كییه‌كانی هێرشه‌كه‌ی حوسییه‌كان
- ئامانجه‌كان: فڕۆكه‌خانه‌ی نێوده‌وڵه‌تیی مه‌لیك خالید له ڕیاز، پاڵاوگه‌ی نه‌وتی ئارامكۆ له ڕابغ، فڕۆكه‌خانه‌ی ئه‌بها، و بنكه سه‌ربازییه‌كانی خه‌میس مشه‌یت، نه‌جران و جیزان.
- شێوازی هێرش: به‌كارهێنانی تێكه‌ڵه‌یه‌ك له موشه‌كی بالیستی، موشه‌كی كروز و درۆن.
- هۆكار: وه‌ك وه‌ڵامێك بۆ هێرشه ئاسمانییه‌كانی 24 كاتژمێری ڕابردوی سعودیه بۆ سه‌ر یه‌مه‌ن.
- هۆشداریی فڕۆكه‌وانی: داوا له سه‌رجه‌م كۆمپانیاكانی فڕۆكه‌وانیی جیهانی كرا گه‌شته‌كانیان به ئاسمانی سعودیه‌دا ڕابگرن (جگه له ئاسمانی مه‌ككه و مه‌دینه).
وه‌ڵامدانه‌وه‌ی هاوپه‌یمانیی عه‌ره‌بی و هێزه‌كانی یه‌مه‌ن
- ئۆپه‌راسیۆنی ده‌ریایی: هێزه ده‌ریاییه‌كانی هاوپه‌یمانیی عه‌ره‌بی ئۆپه‌راسیۆنێكی تایبه‌تیان له پارێزگای حوده‌یده ئه‌نجامدا و كۆگاكانی حوسییه‌كانیان بۆردومان كرد.
- پێشڕه‌ویی سه‌ربازی: هێزه چه‌كداره‌كانی حكومه‌تی یه‌مه‌ن كۆنترۆڵكردنه‌وه‌ی ته‌واوی شاری كه‌ناراوی و ستراتیژیی "ئه‌لمۆخا"ـیان له‌سه‌ر ده‌ریای سور ڕاگه‌یاند.
په‌ره‌سه‌ندنه سیاسی و جیۆپۆلیتیكییه‌كان
- په‌یمانی مه‌ككه: ئه‌م گرژییانه هاوكاتن له‌گه‌ڵ كاراكردنی فه‌رمیی په‌یماننامه‌ی به‌رگریی هاوبه‌ش له نێوان سعودیه، پاكستان و توركیا، كه تێیدا بڕیار درا هێز و كه‌ره‌سته‌ی سه‌ربازیی هاوبه‌ش له سعودیه جێگیر بكرێن.
- دۆخی گشتی: چاودێران پێیان وایه كردنه‌ئامانجی كه‌رتی وزه و دامه‌زراوه ئاسمانییه‌كان، جه‌نگی یه‌مه‌ن ده‌گوازێته‌وه بۆ قۆناغێكی توندتر كه ڕاسته‌وخۆ هه‌ڕه‌شه له ئاسایشی ناوچه‌كه ده‌كات.
