ڕێگای كوردستان
موحسن ڕەزایی سكرتێری ئەنجومەنی باڵای ئاسایشی نیشتمانیی ئێران ڕایگەیاند کە تا ئێستا هیچ بڕیارێکی فەرمی بۆ گۆڕانکاری لە ستراتیژی ئەتۆمیدا نییە، بەڵام مشتومڕ و گفتوگۆی کراوە لە ناوخۆی وڵاتدا هەیە لەسەر ئەوەی ئایا لە کاتی جەنگدا پێداگری لەسەر قەدەغەکردنی درێژخایەنی چەکی ئەتۆمی دەکرێت یان نا.
وتيشى: دۆسیەی ئەتۆمی گفتوگۆی لەسەر ناكرێت مەگەر واشنتن داواكارییەکانی تاران جێبەجێ بکات و ڕێز لە مافە ئەتۆمییەکانی بگیرێت بەپێی پەیماننامەی قەدەغەکردنی بڵاوبوونەوەی چەکی ئەتۆمی (NPT).
ئاماژە بەوەش درا کە فەتوای مێژوویی عەلی خامنەیی پێشتر بەرهەمهێنانی چەکی ئەتۆمی قەدەغە کردبوو، بەڵام لە ئێستادا هەڕەشەی گۆڕانکاری لەم ستراتیژییە وەک کارتی فشار دژی بژاردەی سەربازی بەکاردێت.
2. پەیوەندییەکان لەگەڵ ئەمریکا و نامەکەی جەی دی ڤانس
ڕەزایی پشتڕاستی کردەوە کە نامەکەی جەی دی ڤانس (جێگری سەرۆکی ئەمریکا)ی خوێندووەتەوە، بەڵام تا ئێستا هیچ وەڵامێکی فەرمی نەدداوەتەوە و چاوەڕێی هەڵوێستی کردارین.
ڕۆژنامەی "واشنتن پۆست" ئەوەی ئاشکرا کردبوو کە کۆشکی سپی ڕەزایی وەک "باشترین دەرفەت بۆ ئاشتی" دەبینێت و ڤانس داوای ناردنی نوێنەری دەسەڵاتپێدراوی لێکردبوو بۆ ڕێگریکردن لە بەدەستهێنانی چەکی ئەتۆمی.
