ماوەی چەند ڕۆژێکە قەیرانی کارەبای نشتیمانی لە شاری کەرکوک سەریهەڵداوەو بەرپرسانی کارەباش هۆکاری کەمبونەوەی کارەبای نشتیمانیی بۆ کارکردن و پاککردنەوەی وێستگەکان دەگەڕێننەوە.
بەڵام جگە لەم هۆکاری دوو هۆکاری دیکەش هەن بۆ کەمبونەوەو سەرهەڵدانی قەیرانی کارەبا: هۆکاری یەکەم هێرشی سەر کێڵگەی گازی کۆرمۆرە، کە بەپێی بەیاننامەیەکی وەزارەتی کارەبای عێراق، هێرشەکە بووەتە هۆی لە دەستدانی 1200 مێگاوات،هۆکاری دووەمیش ڕاگرتنی هەناردەی گازە لەلایەن ئێرانەوە، ئێستا کارەبای نشتیمانیی بەجۆرێک کەمبووەتەوە لە 24 کاتژمێر ، کەمتر لە 8 کاتژمێر
دەدرێت بەهاووڵاتیان.
لەلایەکیترە ماوەی چەند ڕۆژێکە قەیرانی بەنزین لەشارەکە سەریهەڵداوەو قەرەباڵغی لە بەنزینخانەکان دروستبووە.
بەپێی ووتەی بەڕێوبەران و سەر پەرشتیکارانی بەنزینخانەکان ماوەی هەفتەیەکە ڕۆژانە تەنها یەک پشک بەنزینیان پێدەدرێت کە پێشتر ڕۆژانە دوو پشکیان هەبووە.
هۆکاری کەمبونی بەنزین کۆتایی هێنانەن بە گرێبەستێکی نێوان عێراق و کوەیت ، گرێبەستەکەی نێوان عێراق و کوەیت بۆ هاورەکردنی بەنزین کە 3 مانگ جارێک نوێ دەکرێتەوە کۆتایی هاتوە و عێراق بڕیاری داوە چیتر ئەو گرێبەستە واژۆ نەکاتەوە ،بەم جۆرە بەشی بەنزین لە بەغداوە بۆ کەرکوک 450 هەزار لیتر ڕۆژانە کەمی کردووە.
