مارک ساڤایا، نێردەی ئەمەریكا بۆ عێراق دەڵێت” عێراق لەبەردەم دووڕیانێکی چارەنوسسازدایە، یان بەرەو دامەزراوەی سەربەخۆ دەچێت کە توانای سەپاندنی یاسا و ڕاکێشانی وەبەرهێنانیان هەیە، یان دەگەڕێتەوە بۆ ئەو بازنەی ئاڵۆزییەی کە ماوەیەکی زۆرە بووەتە بارگرانی بەسەر شان و ملی هەمووانەوە.”
ئاماژەی بەوەشکرد، ئەوەی ئەمڕۆ پێویستە بریتییە لە پشتیوانیکردنی ڕێڕەوی وڵات، ڕێزگرتن لە دەستوور، بەهێزکردنی جیاکردنەوەی دەسەڵاتەکان و پابەندبوونێکی بەهێز بە هەنگاوی کردەیی بۆ دوورخستنەوەی چەک لە کایەی سیاسی، چونکە ئەمە تاکە ڕێگایە بۆ بونیادنانی عێراقێکی بەهێز کە ڕێزی جیهان بەدەست بهێنێت
نێردەکەی ئەمریکا وتیشی” هیچ ئابوورییەک ناتوانێت گەشە بکات و هیچ هاوبەشییەکی نێودەوڵەتی سەرکەوتوو نابێت لە ژینگەیەکدا کە سیاسەت تێکەڵ بە هێزی نا فەرمی و چەکدار بێت، بۆیە ئێستا عێراق دەرفەتێکی مێژوویی لەبەردەمدایە بۆ ئەوەی کۆتایی بەم قۆناغە بهێنێت و وێنەی خۆی وەک دەوڵەتێک بەهێز بکاتەوە کە لەسەر بنەمای سەروەریی یاسا بونیاد نراوە، نەک لەسەر هێزی چەک.”
لە کۆتایدا مارک جەختیکردەوە، جێگیرکردنی پرەنسیپی جیاکردنەوەی دەسەڵاتەکان و ڕێزگرتن لە چوارچێوە دەستوورییەکان و ڕێگریکردن لە هەر دەستوەردانێک کە بڕیاری سیاسی پەکی بخات یان سەربەخۆیی دەوڵەت لاواز بکات، هەنگاوێکی یەکلاکەرەوەیە.a
