لە روونكردنەوەیەكدا سوپای پاسداران دەڵێ: هیچ هرێشێكمان بۆسەر هەرێمی كوردستان ئەنجام نەداوە.
ئاژانسی هەواڵی تەسنیمی نزیك لە سوپای پاسدارانی ئێران، رۆژی شەممە ٢٩ی تشرینی دووەم، لە ڕاگەیەندراوێكدا بڵاویکردەوە'' دوای بڵاوبونەوەی هەندێک دەنگۆ لە فەزای ئەلیکترۆنیدا سەبارەت بە هێرشی موشەک لە ئێرانەوە بۆ سەر هەرێمی کوردستانی عێراق، سەرچاوە ئاگادارەکان لە هێزە چەکدارەکان ئەو دەنگۆیانەیان ڕەتکردەوە.''
سوپای پاسداران باسی لەوەشكردوە، هیچ هێرشێكی موشەكی لە خوراماباد، ئیلام و کرماشانەوە بۆ سەر هەرێمی كوردستان دەستیپێنەكردوە و هەواڵەكە ڕاست نیە.
ئەو دەنگۆیانە لەكاتێكدایە كە کاتژمێر ١١:٣٠ خولەکەی شەوی ٢٦ تشرینی دووەم ٢٠٢٥، هێرش کرایە سەر کێڵگەی گازی کۆرمۆر لە چەمچەماڵ و بە هۆیەوە کۆگایەکی گاز گڕیگرتوو و تا کاتژمێر ٩:٠٠بەیانی ڕۆژی دواتر ئاگرەکە بەردەوام بوو، ڕوداوەکە بوە هۆی کەمبونەوەی کارەبای هەرێمی کوردستان بە ڕێژەی لە ٨٠٪، ئەم ڕوداوە کاردانەوەی لە ئاستی ناوخۆی و دەرەوەدا بەدواداهات.
