وەزارەتی دەرەوەی ئێران لە ڕاگەیەندراوێکدا داوای لە وڵاتانی ناوچەکە کردووە ڕێگە نەدەن ئەمریکا خاک، بنکە و توانا سەربازییەکانیان بۆ پلاندانان و ئەنجامدانی هێرش دژی ئێران بەکاربهێنێت.

 تاران ڕایگەیاندووە کە هێزە چەکدارەکانیان لە وەڵامی هێرشەکانی ئەمریکادا، سیستەمەکانی پاتریۆت و سەکۆکانی هەڵدانی درۆن و مووشەکی ئەو وڵاتەیان لە دوو بنکەی ناوچەکەدا کردووەتە ئامانج.

 وەزارەتی دەرەوەی ئێران ئەم هەنگاوانەی بە «بەرگریی ڕەوا» ناوبردووە و داوای لە ئەنجومەنی ئاسایشی نەتەوە یەکگرتووەکان کردووە بە بەرپرسیارێتییەکانی خۆی هەڵبستێت.

 لە بەرامبەردا، کوەیت هێرشکردنە سەر بنکەی «عەلی سالم»ی بە پێشێلکردنی سەروەریی خاکەکەی وەسف کردووە، و بەحرەینیش ڕایگەیاندووە کە بەرپەرچی چەند هێرشێکی ئاسمانییان داوەتەوە.

تاران هۆشداریشی داوە کە هەر هەنگاوێکی دوژمنکارانەی نوێ دژی وڵاتەکەی، رووبەڕووی وەڵامێکی یەکلاکەرەوەی هێزە چەکدارەکانی ئێران دەبێتەوە.

powered by social2s

وتاری نووسەران


 رێگای كوردستان ماڵپەڕێكی سیاسی، رۆشنبیری، گشتییە ئۆرگانی حزبی شیوعی كوردستانە، مەكتەبی راگەیاندنی ناوەندی بەڕێوەی دەبات

میدیا

   تەلەفۆن:   797 4635 750 964+

   ناونیشان:  هەولێر - گەرەکی ئازادی - نزیك نەخۆشخانەی نانەکەلی

   ئیمێل:  regaykurdistan@gmail.com

سۆسیال میدیا