یەکێتیی نووسەرانی کورد - لقی سلێمانی ، نیگەرانی و قبوڵنەکردنی فەزای دەمکوتکردن و ڕێگریی لە دەربڕینی ئازادانەی نووسەران لە ڕای خۆیان ، دەخاتە بەردەم ڕای گشتی .. کە بە ئامانجی بەرتەسککردنەوەی ئازادییەکانە لە هەرێمی کورستان و ئێمە تەواو هاوڕاین لەسەر ئەو میتۆدەی کە دەبێت قەلەم بە قەڵەم و ڕا بە ڕا وەڵام بدرێتەوە نەك بە ترس و هەڕەشەی بێدەنگ کردن و دەستبردن بۆ ئارامیی ژیانی نووسەران .. وەك چۆن لە ڕابردوودا ، بەرۆکی شاعیری بەڕێز (قوبادی جەلیزادە) یان گرت ، ئەمڕۆ نووسەرانێکی دی دووچاری هەمان هەڕەشە دەبنەوە لەوانەش (حەمە سەعید حەسەن و یونس ڕاوی) .. ئێمە داواکارین کە یاسا سەروەر بێت بەسەر هەموواندا و نەبێتە مەیدانی پێشێلکردنی مافە سەرەتاییەکانی نووسەران !!
یەکێتیی نووسەرانی کورد - لقی سلێمانی
٢٦ / ١٢ / ٢٠٢٥ - سلێمانی
