گومان دەکرێت ئەو ئافرەتەی ئێوارەی دوێنێ لەگەڕەکی قەسابخانەی شاری کەرکوک بەکەتر کوژرا ،یەکێک لە براکانی بێت، کە پێشتر چەکداری داعش بوە و بە مادەی 4ی تیرۆر داواکراوە.
تا ئێستا ئەو برا داواکراوەی ئافرەتە کوژراوەکە دەستگیرنەکراوە، بەڵام هەریەک لە هاوسەری ئافرەتەکە و یەکێک لە کوڕەکانی و برازایەکی هاوسەرەکەی دەستگیرکراون.
بەپێی زانیاریەکان هۆکاری کوشتنەکە کێشەی خێزانیە و لایەنە ئەمنیەکانیش بەردەوامن لە لێکۆڵینەوەو هەوڵدان بۆ دەستگیرکردنی گومانلێکراوە سەرەکیەکە.
شایانی بیرهێنانەوەیە ئێوارەی دوێنێ ، لە گەڕەکی قەسابخانەی شاری کەرکوک تەرمی ئافرەتێک لە ناو ماڵەکەی خۆی، لەگەڕەکی قەسابخانەی شاری کەرکوک دۆزرایەوە، کە خەڵکی شاری مووسڵەو تەمەنی نزیک چڵ ساڵ دەبێت
