دەستەی داکۆکی لە مافی زیندانیانی سیاسی، لە بەیاننامەیەکی نوێدا کە ئەمڕۆ بڵاوکرایەوە، داوای لە گشت هاووڵاتییانی و زیندانیانی سیاسی کرد کە بە جۆش و خرۆشەوە بەشداری لە هەڵبژاردنەکانی داهاتووی عێراقدا بکەن و دەنگ بە کاندیدی سەربەخۆی ژمارە (٣٤٢)، خاتوو "ثائیرە یوسف عەزیز"، بدەن.
بەیاننامەکە، لە کاتێکدایە کە پڕۆسەی هەڵبژاردن وادەکەی نزیکبووەتەوە، جەخت لەسەر گرنگی دیاریکردنی بەربژێرێکی شایستە دەکاتەوە کە بتوانێت داکۆکی لە مافە زەوتکراوەکانی هاووڵاتییان بکات و ڕێگری لە دزی و گەندەڵییەکانی حکومەت بکات.
کاندیدی ژن و خەباتگێڕ
دەستەکە، خاتوو سائیرە یوسف عەزیز وەک کاندیدێکی شایستەی ناساندووە و داوای کردووە لە پێشەنگی بەربژێرەکاندا دابنرێت. بەیاننامەکە ئاماژە بەوە دەکات کە ناوبراو جگە لەوەی لە خانەوادەیەکی تێکۆشەرە و هاوسەری شەهیدە، خودی خۆشی بەردەوام لە بەرەی گەلدا بووە و بە شێوەیەکی شێلگیرانە لە پێناوی ئازادی، یەکسانی، و دادپەروەریدا لە تێکۆشان دابووە.
بەپێی بەیاننامەکە، خاتوو سائیرە لە ڕێگەی خەباتەکەیدا "باجی زۆری داوە" و لە سەردەمی ڕژێمی بەعسدا دووچاری ڕاوەدوونان و خۆشاردنەوە بووەتەوە، بەڵام بەبێ کۆڵدان و سڵەمینەوە بەردەوام بووە لە تێکۆشان بۆ گەیشتن بە ئامانجەکانی خەڵک.
پەیامێک بۆ دەنگدەران
لە کۆتایی بەیاننامەکەدا، دەستەی داکۆکی لە مافی زیندانیانی سیاسی داوا لە دەنگدەران دەکات کە "ویژدانیان ئاسوودە بکەن" و دەنگ بە خاتوو سائیرە یوسف عەزیز، ژمارە (٣٤٢)، بدەن. ئەم بەیاننامەیە وەک هەوڵێکی ڕوون بۆ ئاراستەکردنی دەنگی زیندانیانی سیاسی و لایەنگرانیان بۆ کاندیدێکی دیاریکراو لە چوارچێوەی هەڵبژاردنەکانی عێراقدا سەیر دەکرێت.
ــــــــــــــــــــــــــ
دەقی بەیاننامەکە:
بەیاننامەی دەستەی داکۆکی لە مافی زیندانیانی سیاسی بۆ هەڵبژاردنی عێراق
بۆ هاووڵاتییانی تێکۆشەر لە پێناوی ژیانێکی شایستە
بۆ زیندانیانی سیاسیی خەباتگێڕ و شکۆمەند و قارەمان
چەند ڕۆژێکی کەم ماوە بۆ بەڕێوەچوونی هەڵبژاردنەکانی عێراق. ئێمە، وێڕای ئەوەی پێمان باشە بە جۆش و خرۆشەوە بەرەو سندووقی دەنگدان بڕۆن و هیچ دوودڵییەک لە دیاریکردنی بەربژێرێکی شایستە بۆ داکۆکیکردن لە مافی زەوتکراوی هاووڵاتیبوون و بەرگرتن لە دزی و گەندەڵییەکان نانوێنن، لە هەمان کاتدا داواتان لێ دەکەین کاندیدی کۆتای سەربەخۆی ئافرەت، خاتوو (سائیرە یوسف عەزیز)، لە پێشەنگی بەربژێرەکان دابنێن.
خاتوو (سائیرە یوسف عەزیز)، جگە لەوەی لە خانەوادەیەکی تێکۆشەرە و هاوژینی شەهیدە، خودی خۆشی بەردەوام لە بەرەی گەلدا بووە و شێلگیرانە لە پێناوی ئازادی، یەکسانی، و دادپەروەریدا تێیکۆشاوە. لەو ڕێگەیەدا باجی زۆری داوە و بەردەوام دووچاری ڕاوەدوونان و خۆشاردنەوە لە چاوی پیاوانی ڕژێمی بەعس هاتووە. بەبێ کۆڵدان و سڵەمینەوە، پەرەی بە تێکۆشان داوە لە پێناوی گەیشتن بە ئامانجەکانی خەڵک.
ویژدانتان ئاسوودە بکەن و دەنگ بە خاتوو (سائیرە یوسف عەزیز)، ژمارە (٣٤٢)، بدەن.
دەستەی داکۆکی لە مافی زیندانیانی سیاسی
تشرینی یەکەمی ٢٠٢٥
