ڕێگای کوردستان
رۆژی شەممە (٧ی ئاداری ٢٠٢٦)، مەراسیمی پرسەی سکرتێری پێشووی کۆمیتەی ناوەندی حزبی شیوعی عێراق، هاوڕێ حەمید مەجید موسا، بە بەشدارییەکی بەرفراوانی جەماوەری و حزبی و حکومی بەڕێوەچوو، لە بارەگای مەکتەبی سیاسی حزبی شیوعی کوردستان، لە شاری هەولێر بەڕێوەچوو.
مەراسیمەکە بە ئامادەبوونی ڕاستەوخۆی هەردوو سکرتێری کۆمیتەی ناوەندی حزبی شیوعی عێراق و حزبی شیوعی کوردستان، هەروەها ژمارەیەک لە ئەندامانی مەکتەبی سیاسی و کۆمیتەی ناوەندی هەردوو حزب بەڕێوەچوو، تێیدا پێشوازییان لە میوانان و بەشداربووانی پرسەکە کرد.
لە مەراسیمەکەدا، نوێنەری چەندین هێز و لایەنی سیاسی لە ئاستی سکرتێر و ئەندامانی مەکتەبی سیاسی، نوێنەرانی دامەزراوە فەرمییەکان، پەرلەمانتار و کەسایەتییە دیارەکانی بواری سیاسی، کۆمەڵایەتی ، ڕۆشنبیری، هەروەها جەماوەری شاری هەولێر بەشداری پرسەکەیانکرد.
لەسەر ئاستی دیپلۆماسیش، کونسوڵی ڕووسیا بەشداری لە پرسەکە کرد.
ئامادەبووان و میوانانی مەراسیمەکە، پرسە و هاوخەمی قووڵی خۆیان بۆ کۆچی دوایی هاوڕێ حەمید مەجید موسا گەیاندە هەردوو حزبی شیوعی عێراق و کوردستان و وەک سەرکردەیەکی دیاری بزووتنەوەی چەپ و دیموکراسی لە عێراقدا یادەکەیان بەرز نرخاند.
