سەرۆكی ئەمەریكا رایگەیاند كاتێك بزانم كۆبوونەوەكەم لەگەڵ سەرۆكی روسیا بێئەنجامە ئامادەنیم كات بكوژم.
سەرۆكە ئەمەریكا لە لێدوانێکیدا بۆ ڕۆژنامەنوسان لە ئۆفیسی ئۆڤاڵ، ڕایگەیاند، "هیچ بڕیارێکم لەبارەی کۆبونەوەکە نەداوە، کە ویستبوی بەم زوانە لەگەڵ پوتن لە بوداپێست ئەنجامی بدات".
ئاماژەی بەوەشکرد، "نامەوێت کات بەفیڕۆ بدەم، بۆیە دەبینم چی ڕودەدات، هێشتا دەرفەتێک بۆ ئاگربەست لە نێوان ڕووسیا و ئۆکرانیا دەبینم".
ئاکسیۆس بە پشت بەستن بە بەرپرسانی ئەمریکا بڵاویکردەوە، کۆشکی سپی کارەکانی لەسەر لوتکەی دوەمی نێوان ترەمپ و پوتن ڕاگرتوە.
بەرپرسێکی کۆشکی سپی بە ماڵپەڕەکەی ڕاگەیاندوە، "هیچ پلانێک نییە سەرۆک تره‌مپ لە داهاتویەکی نزیکدا لەگەڵ سەرۆک پوتن کۆببێتەوە".
